Мерапрыемства сабрала прадстаўнікоў органаў улады, дэпутацкага корпуса, Узброеных Сіл і праваахоўных органаў, МНС, працоўных калектываў, грамадскіх арганізацый, школьнікаў і навучэнцаў і, вядома ж, тых, хто выконваў свой інтэрнацыянальны абавязак, іх родных і блізкіх.
На мітынгу выступілі старшыня Маладзечанскага райвыканкама Юрый Горлаў, член Савета Рэспублікі Нацыянальнага сходу Рэспублікі Беларусь Каліна Капуцкая, старшыня раённай арганізацыі грамадскага аб'яднання "Беларускі саюз ветэранаў вайны ў Афганістане" Ігар Арабей.
Выступоўцы падкрэслілі значнасць захавання памяці аб подзвігу воінаў-інтэрнацыяналістаў, запэўнілі, што на прыкладзе тых, хто з гонарам выканаў інтэрнацыянальны абавязак, вучыцца маладое пакаленне нашай краіны.
Удзельнікі мітынгу ўшанавалі памяць загінуўшых хвілінай маўчання. Прагучаў воінскі салют. Да памятнага знака ў парку Перамогі былі ўскладзены кветкі.
